NAATI CCL Nepali शब्दभण्डार

क्लिनिकको काउन्टरमा bulk billing सुनेर अड्किने कुरा अंग्रेजी नबुझेर होइन। नेपालमा त्यस्तो व्यवस्थै छैन, त्यसैले नेपालीमा तयार शब्द पनि छैन। bulk billing, strata, superannuation, bond, AVO, no-claims bonus। यीमध्ये कुनैको पनि एक शब्दे नेपाली जोडी छैन। तीन-चार शब्दको छोटो व्याख्या चाहिन्छ, र त्यो व्याख्या खण्ड सुनिसकेपछि बनाउन थाल्दा ढिलो भइसक्छ।

अर्कातिर referral (रेफरल), symptom (लक्षण) वा tax return (कर विवरणी) जस्ता शब्द थाहा भए क्षणभरमै निस्कन्छन्। सूची पढ्नुको काम यी दुई थुप्रो छुट्याउनु हो।

सूचीलाई अंग्रेजीबाट नेपाली मात्र पढ्नु आधा काम हो। परीक्षामा नेपाली खण्ड पनि उत्तिकै आउँछ, र त्यहाँ बिरामीले ‘घुँडाको जोर्नी फेर्ने अपरेसन’ भन्दा तपाईंले knee replacement भन्नुपर्छ, ‘जमानत’ सुन्दा bail, ‘मुद्रांक शुल्क’ सुन्दा stamp duty। नेपालीबाट अंग्रेजी दिशा तयारीमा प्रायः छुट्छ, किनभने आफ्नै भाषा सुन्दा सजिलो लाग्छ। त्यसैले हरेक हरफ दुवैतिरबाट पढ्नुहोस्। यो दिशाको अभ्यास कसरी बाँड्ने भन्ने तयारी र नोट-टेकिङ पृष्ठ मा छ।

यो सूची कसरी प्रयोग गर्ने

• एउटा विषय क्षेत्र लिनुहोस्, पहिले अंग्रेजी स्तम्भ छोपेर नेपाली हेर्नुहोस्, अनि उल्टो गर्नुहोस्। दुवै दिशामा नअड्किकन आयो भने मात्र त्यो शब्द तयार भएको हो।
• जुन शब्दको नेपालीमा एउटै जोडी छैन (bulk billing, strata, salary sacrifice), त्यसको तीन-चार शब्दको व्याख्या पहिले नै तय गर्नुहोस् र हरेक पटक त्यही एउटै व्याख्या प्रयोग गर्नुहोस्।
• संस्थाका नाम सुनेकै रूपमा भन्ने अभ्यास गर्नुहोस्। बीचमा अनुवाद खोज्न रोकिनु नै अलमल हो, र अलमलमा अंक जान्छ।
• बिर्सिने शब्द मात्र एपको फ्ल्यासकार्डमा दोहोर्‍याउनुहोस्। पूरै सूची सुरुदेखि पढ्नुभन्दा त्यो छिटो हुन्छ।
• अन्तिममा शब्दलाई संवादभित्र राखेर सुन्नुहोस्। सूचीमा चिनेको शब्द 35 शब्दको खण्डभित्र आउँदा फेरि अड्कियो भने खाँचो अभ्यासको हो।